येत्या काळात देशात व राज्यात महत्वाच्या निवडणुका होत आहेत. निवडणुकी पूर्वीचा व निवडणुकी नंतरचा काळ हा गुरु व शनी या महत्वाच्या ग्रहांच्या राशी बदलाच्या सावटाखाली असणार आहे. आणि म्हणूनच राजकीय व्यक्तींनी, मुत्सद्यांनी तसेच या निवडणुकांशी ज्यांचा ज्यांचा प्रत्यक्ष वा अप्रत्यक्ष संबंध आहे, त्यांनी या ग्रह बदलांचा आपल्या कुंडलीवर काय परिणाम होतो हे तपासून बघणे गरजेचे आहे.
गुरु ११ ऑगस्ट २०१६ ला कन्या राशीमध्ये प्रवेश करत आहे. हा गुरु बदल वृषभ, सिंह, वृश्चिक, मकर व मीन राशींना शुभ फलदायी ठरेल. मिथुन, कुंभ, व तूळ या राशींना गुरुबल नसल्याने अशुभ फलदायी ठरेल. अर्थात हा फक्त चंद्र राशीवरून विचार झाला. जन्म गुरु तसेच गुरुचे कुंडलीतील स्थान यांचा गोचर गुरूशी असलेला संबंध याचाही विचार करणे आवश्यक आहे.
शनी २६ जानेवारी २०१७ ला धनु राशीमध्ये प्रवेश करत आहे. हा शनी बदल मेष, सिंह, वृश्चिक, मिथुन, तूळ तसेच मीन राशीसाठी शुभ फलदायी ठरेल. कन्या, वृषभ व मकर राशीस अशुभ फलदायी ठरेल. अर्थात इथेही हा विचार फक्त चंद्र राशी वरून झाला. जन्म शनी, त्याचे कुंडलीतील स्थान व या दोहोंचे गोचर शनीशी असलेले संबंध याचाही विचार महत्वाचा आहे.
याही पुढे जाऊन कुंडलीतील सद्य महादशा, अंतर्दशा व विदशा यांच्या स्वामींचे गुरु व शनी या ग्रहांशी होणारे संबंध तपासणे गरजेचे आहे.
या पुढील राजकारणात आपले स्थान कुठे आहे यावर या फलितांचा अर्थ काढणे उचित ठरेल.
या ग्रह बदलांचा संबंध व्यावसायिकांनीही अभ्यासणे गरजेचे ठरेल. व्यावसायिक उलाढालींचे गणित, नव्या गुंतवणुकीचे पर्याय तर जुने प्रलंबित व्यवहार यावर या ग्रह बदलांचा प्रभाव असणार आहे. नोकरदार वर्गाला पुढील नियोजन करताना तसेच महत्वाचे निर्णय घेताना या ग्रह बदलांचा प्रभाव जाणून घेणे महत्वाचे ठरणार आहे.
- होरापंडीत मयुरेश देशपांडे
अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र
भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७
८९७५३१२०५९ । info.bhagyank@gmail.com
No comments:
Post a Comment