दाते पंचांगानुसार, श्रावण शुक्ल अष्टमी ११ ऑगस्ट २०१६ ला रात्री ०९।२९ ला गुरु कन्या राशीमध्ये प्रवेश करत आहे. ११ सप्टेंबर २०१७ गुरुचे कन्या राशीमधील भ्रमण संपेल. त्याचे कन्या राशींमधील भ्रमण पुढील प्रमाणे असेल.
कन्या राशीमध्ये एकूण तीन नक्षत्रे आहेत. उत्तरा नक्षत्राची तीन चरणे, हस्त नक्षत्राची चार चरणे, तर चित्रा नक्षत्राची दोन चरणे आहेत.
११ ऑगस्ट २०१६ ते २८ सप्टेंबर २०१६ या काळात गुरुचे उत्तरा नक्षत्राच्या तीन चरणांमधुन भ्रमण होईल.
२९ सप्टेंबर २०१६ ते ०५ डिसेंबर २०१६ या काळात हस्त नक्षत्रातून गुरु भ्रमण करणार आहे.
०६ डिसेंबर २०१६ ते १४ एप्रिल २०१७ गुरु चित्रा नक्षत्रात असेल. या काळात ०६ फेब्रुवारी २०१६ ला चित्रा नक्षत्रातच गुरु वक्री होईल.
१५ एप्रिल २०१७ ला गुरु वक्री मार्गाने हस्त नक्षत्रात प्रवेश करेल. ०८ जून २०१७ पर्यंत हस्त नक्षत्रात तो वक्री असेल.
०९ जून २०१७ ला गुरु मार्गी होईल. तो हस्त नक्षत्रातच ०४ ऑगस्ट २०१७ पर्यंत असेल.
०५ ऑगस्टला २०१७ ला चित्रा नक्षत्रात गुरु प्रवेश करेल. तिथेच तो ११ सप्टेंबर २०१७ ला कन्या राशीतला प्रवास संपवेल.
या काळात ऑगस्ट २०१६ च्या शेवटास रवि, बुध व शुक्र यांबरोबर तो मार्ग क्रमण करेल.
नोव्हेंबरच्या उत्तरार्धात गुरु हर्षल प्रतियुती, तर गुरु मंगळाचा नवपंचम योग होईल.
गुरुचे हस्त नक्षत्रात वक्री भ्रमण चालु असतानाच मे महिन्याच्या पूर्वार्धात मंगळाशी त्याचा नवपंचम योग होईल, तर उत्तरार्धात शुक्राशी प्रतियुती होईल.
गुरु हस्त नक्षत्रात मार्गी असताना जुलैच्या उत्तरार्धात त्याचा शुक्राशी नवपंचम योग होईल.
गुरुचे हे विविध योग जसे गोचर ग्रहांशी होणार आहेत, तसेच ते तुमच्या जन्मकुंडलीतील ग्रहांशीही होणार आहेत. गुरूचे कन्या राशीतील टप्प्याटप्प्याने होणारे मार्गक्रमण आणि या मार्गक्रमणाचा जन्मकुंडलीवर टप्प्या टप्प्याने होणारा प्रभाव याचा अभ्यास करून या काळात आपण आपला प्रवास ठरवला पाहिजे.
- होरापंडीत मयुरेश देशपांडे
अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र
भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७
८९७५३१२०५९ । info.bhagyank@gmail.com
No comments:
Post a Comment