अंकशास्त्र व गुणमेलन

अंकशास्त्राचा गुणमेलनामध्ये खुप खुबीने वापर करता येतो.

यात पहिला भाग येतो मित्रांकांचा. प्रत्येक भाग्यांकाचे मित्रांक असतात. अशावेळी समोरच्या व्यक्तीचा भाग्यांक आपल्या मित्रांकामध्ये येतो का ते तपासावे.

जसे कि ज्यांचा भाग्यांक ०१ आहे त्यांचे मित्रांक ०१, ०३, ०४, ०५, ०७ व ०९ येतात. अशावेळी समोरच्याचा भाग्यांक यापैकी आहे का ते तपासावे.

त्यानंतर प्रत्येक भाग्यांकासाठी काही महिने ठरलेले असतात. समोरची व्यक्ती त्या महिन्यांत जन्मलेली असेल तर सर्वोत्तमच.

जसे कि ज्यांचा भाग्यांक ०२ आहे त्यांनी जोडीदार २१ ऑक्टोबर ते २०नोव्हेंबर किंवा १९ फेब्रुवारी ते २० मार्च या काळात जन्मलेला आहे का तपासावे.

अंकशास्त्रामध्ये जन्म महिन्यालाही महत्व दिलेले आहे. जन्म महिन्यासाठी पण काही महिने ठरलेले असतात. जोडीदार त्या काळातील मिळाला तरी सर्वोत्तमच.

जसे कि मार्च महिन्यात ज्यांचा जन्म झाला आहे, त्यांनी जोडीदार २१ फेब्रुवारी ते २० मार्च, २१ जून ते २० जुलै, किंवा २१ ऑक्टोबर ते २० नोव्हेंबर या काळातील जन्मलेला आहे का हे तपासावे.

प्रत्येक वेळी जन्म तारखेनुसारचा किंवा जन्म महिन्यानुसारचा जोडीदार मिळेल असे नाही. अशावेळी दोन्हींपैकी एक असला तरी उत्तमच. दोन्ही जुळून आले तर क्या बात है!

प्रत्येक भाग्यांकाची स्वतःची अशी काही प्रभाव क्षेत्रे असतात. अशावेळी काही भाग्यांकान्शी त्यांची स्पंदने जुळतात, काहींविषयी त्यांना आकर्षण वाटते तर काही त्यांना अजिबात आवडत नाहीत आणि काहींच्या सानिध्य त्यांना अस्वस्थ करते किंवा दुःखी करते. अशावेळी समोरच्याचा भाग्यांक आपल्या प्रभाव क्षेत्रात आहे का ते तपासावे.

जसे कि ज्यांचा भाग्यांक ०४ आहे, त्यांची भाग्यांक ०६ शी स्पंदने जुळतात तर भाग्यांक ०१ व ०८ विषयी त्यांना आकर्षण वाटते. या उलट भाग्यांक ०३ वा ०५ असलेल्या व्यक्ती यांना आवडत नाहीत तर भाग्यांक ०२, ०७ व ०९ चा सहवास यांना दुःखी अथवा अस्वस्थ करतो. त्यामुळे यांनी भाग्यांक ०६, ०१, किंवा ०८ यापैकी जोडीदार निवडणे सर्वोत्तम ठरेल.

जे नैसर्गिक आहे ते कधीच १००% नसते. त्यामुळे वर दिलेल्या सर्व निकषात बसेल असा जोडीदार मिळेलच असे जरुरी नाही. पण लाखातल्या काही जणांना शेवटच्या फेरीसाठी (म्हणजे कांदेपोह्यांसाठी) निवडताना अंकशास्त्राची सहज मदत होऊ शकेल.

विवाहेच्छूक तरुण तरुणींनी या संदर्भातील मार्गदर्शनासाठी जरुर संपर्क साधावा. मात्र विवाहितांनी इकडे डुंकूनही न पाहावे हा प्रेमाचा सल्ला.

- होरापंडीत मयुरेश देशपांडे

अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र

भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७

An ISO 9001:2015 Certified Consultancy

+९१ ८९७५ ३१२ ०५९ । +९१ २० २७२८ ०८३७

info.bhagyank@gmail.com | https://www.facebook.com/BhagyankJyotishVVastushastraSallaKendra/