जन्म रवि ज्या महिन्यात ज्या दिवशी व ज्या वेळी
अंश कलात्मक विकलात्मक जन्म कुंडलीतील मूळ ठिकाणी येईल त्या वेळची अंशात्मक
कुंडली तयार करावी व त्या दिवसाचे, त्या वेळेचे ग्रह स्पष्ट करुन त्या
कुंडलीत मांडावे.
वार्षिक कुंडलीचा उपयोग आपल्याला व्यावसायिक पातळीवर
आपल्या व्यवसायाचे नियोजन, नवी सुरवात, आर्थिक गुंतवणुक यासाठी होते.
नोकरदार व्यक्तींना नोकरीतील बदल, सद्य नोकरीतील नव्या संधी हे निर्णय
घेण्यासाठी होते. कौटुंबिक जीवनात विवाहासारखे निर्णय, संतती सारखे निर्णय
या टप्प्यांवर हि कुंडली खुप महत्वाची ठरते. राजकीय जीवनात देखील महत्वाची
धोरणे ठरवताना या कुंडलीचा उपयोग होऊ शकतो. वैयक्तिक जीवनात महत्वाची खरेदी
विक्री, अल्प मुदतीची कर्जे यासाठी या कुंडलीचा आधार घेणे उपयुक्त ठरते.
वर्ष कुंडलीतील चंद्र रविचे शुभ योग पुढील वर्ष यशदायी आनंददायी जाणार
असल्याचे द्योतक असतात. गुरु शुक्र ग्रह धनस्थान, दशमस्थान अथवा
लाभस्थानाचे भावेश असता तसेच त्यांचे रवि चंद्राशी शुभ योग असताही वर्ष
शुभदायी जाते. जन्म कुंडलीतील लग्नेश वर्ष कुंडलीत सप्तमात येता विवाहयोग
देतो.
चंद्र बुध अथवा हर्षल बरोबर धनात अथवा व्ययात असता त्यातही
तिथे दशमेश असता, नोकरी अथवा व्यवसायामध्ये बदल दर्शवतो. हाच चंद्र बुध
किंवा चंद्र हर्षल योग लग्न स्थानातुन असता प्रवासाचे योग दर्शवतो. वार्षिक
कुंडलीतील चंद्र अथवा व्ययेश भाग्यात येता दुरचे प्रवास अथवा परदेशगमनाचे
योग दर्शवतो.
वर्ष कुंडलीच्या लग्न स्थानातील पापग्रह अशुभ फल
देतात. हे पापग्रह षष्ठ स्थानात असताना त्यांचा लग्न अथवा लग्नेशाशी अशुभ
योग असता आरोग्याची तक्रारी उद्भवतील. आर्थिक टंचाई देखील या वर्षात
जाणवेल.
रवि चंद्राचा ज्या भावेशाशी शुभ योग होईल तो भावेश त्याच्या
कार्यक्षेत्रात शुभ फल देईल तर ज्या भावेशाशी अशुभ योग होईल तो भावेश
त्याच्या कार्यक्षेत्रात अशुभ फल देईल. स्पष्ट जन्म चंद्र व स्पष्ट वर्ष
चंद्र यांच्या फरकातुन या वर्षातील ग्रहांच्या दशा काढता येतात. व त्याच्या
माध्यमातुन वर्ष विविध टप्प्यात कसे जाईल हे हि ठरवता येते.
आम्ही
जातकाची जन्म कुंडली तसेच वर्ष कुंडली तपासुन आगामी वर्ष जातकास कसे जाईल
हे सांगत असतो. वैयक्तिक मार्गदर्शनासाठी आपण ८९७५३१२०५९ /
info.bhagyank@gmail.com यावर संपर्क करु शकता.
- होरापंडीत मयुरेश देशपांडे अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र
भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७
An ISO 9001:2015 Certified Consultancy
+९१ ८९७५ ३१२ ०५९ । +९१ २० २७२८ ०८३७
info.bhagyank@gmail.com | https://bhagyankjyotishvvastushastrasalla.blogspot.in/
