वास्तुशास्त्र आणि अभ्यासाची दिशा

दहावी - बारावीच्या परीक्षा अगदीच उद्यावर आल्या आहेत. तर शालेय तसेच उच्च माध्यमिक परीक्षांचे आता वेध लागु लागतील. वास्तुशास्त्रामध्ये प्रत्येक कार्यासाठी दिशांचा स्वतंत्र अभ्यास उपलब्ध आहे. प्रत्येक दिशेचे स्वतःचे असे महत्व आहे आणि ते ओळखुन त्या त्या दिशेचा वापर केला तर यश निश्चित आहे. ईशान्य दिशेविषयी यापुर्वी मी स्वतंत्र लेख लिहिला आहे. त्यात नव संकल्पांची दिशा असे वर्णन करत असतानाच अभ्यासाविषयीच या दिशेचं महत्वही विशद केलं आहे. त्याचा स्वतंत्र अभ्यास आपण पुढे वाचु.

अभ्यासाची खोली म्हणल्या नंतर दोन गोष्टी प्रकर्षाने हव्यात. एक म्हणजे खेळती हवा आणि दुसरं म्हणजे भरपुर प्रकाश. अभ्यास हि सुद्धा एक साधना असुन तो करत असताना शांत व प्रसन्न वातावरण पाहिजे. अभ्यास हा शरीरामध्ये ऊर्जेच्या रुपाने स्थिर होत असतो. असावेळी जिथे बसुन आपण अभ्यास करतो तिथे भरपुर पण सकारात्मक ऊर्जा हवी. अगदी मंत्रांचा गजर नसला तरी चालेल पण शुभ शब्दांचा उच्चार हवा. अपशब्दांचा वावर जवळपासही नको. टीव्ही अथवा मनोरंजनाची इतर साधने नकोत. इलेक्ट्रॉनिक उपकरणांचा वापर जरुर असावा, मात्र गरजे पुरताच. आणि वापर झाल्या झाल्या हि उपकरणे बंद करुन ठेवावीत. कारण यातुन बाहेर पडणारा कार्बन खोलीतील वातावरण नकारात्मक करतो. वर म्हणाल्या प्रमाणे हवा खेळती हवी असल्याने खिडक्या सातत्याने उघड्या असाव्यात. पडदे लावल्यास फिक्या रंगाचे लावावेत. भिंतींनाही फिके रंग वापरावेत. निळ्या व पिवळ्या रंगाचा वापर शुभत्व वाढवणारे ठरेल. लाल रंगाचा वापर करण्यास हरकत नाही मात्र तो अधिक गडद नसावा.

आता अभ्यासाची खोली/जागा कुठे असावी? हि खोली ईशान्य भागात असावी. जिथे स्वतंत्र खोली करणे शक्य नाही तिथे अभ्यासासाठी एकुण घराचा ईशान्य भाग निवडावा. जिथे तेही शक्य नाही तिथे किमान जी खोली अभ्यासासाठी निवडणार आहे, त्या खोलीच्या ईशान्य भागात अभ्यासाला बसावे. अभ्यासाला बसताना पाठ पश्चिमेकडे तर तोंड पुर्वेकडे करावे. स्वतंत्र अभ्यासाची खोली असल्यास पश्चिम भिंतीला पाठ टेकवावी. स्वतंत्र खोली नसल्यास मात्र ईशान्य भागातच बसावे. इथे पाठ पश्चिम भिंतीला येणार नाही. मात्र तोंड पुर्वेकडेच राहील. अभ्यासाची पुस्तकांचा रॅक केल्यास तोही पश्चिम/दक्षिण भिंतीला असावा. बीमच्या अथवा कपाटाच्या खाली बसुन अभ्यास करु नये. अनेकदा अभ्यासाच्या टेबलच्या वरती पुस्तकांचे कपाट असते. या कपाटाची रुंदी ठरवताना अभ्यास करताना डोकं कपाटा खाली येणार नाही याची काळजी घ्यावी.

विद्यार्थ्यांनी प्रत्यके वेळी अभ्यासाला बसताना गणपती अथर्वशीर्षाचे पठण करावे तर दिवसातुन एकदा (विशेष करुन संध्याकाळी) रामरक्षा म्हणावी.

यातील सर्वच नियमांचा वापर करता येईल असे नाही. मात्र अधिकाधिक नियमांचा वापर करण्याचा प्रयत्न जरुर करावा. 

- होरापंडीत मयुरेश देशपांडे
अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र
भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७
An ISO 9001:2015 Certified Consultancy
+९१ ८९७५ ३१२ ०५९ । +९१ २० २७२८ ०८३७ | info.bhagyank@gmail.com

शेअर मार्केटमध्ये होणाऱ्या घडामोडींविषयी ज्योतिषीय पद्धतीने मार्गदर्शन

सध्या मोठ्याप्रमाणावर लोक शेअर मार्केटकडे वळायला लागली आहेत. यात म्युच्युअल फंड सारखी सुरक्षित गुंतवणूक करणाऱ्यांची संख्या अधिक असली तरी थेट मार्केट मध्ये व्यवहार करणाऱ्यांची संख्याही लक्षणीय आहे. इथे झटपट मिळणाऱ्या नफ्यामुळे तरुण लवकर आकर्षित होत आहेत तर इथे असलेल्या जोखमीमुळे मध्यमवयीन अद्याप सावध भुमिका घेऊन आहेत. जेव्हा आपण एखादा शेअर खरेदी करत असतो तेव्हा तो कोणीतरी विक्री करत असतो. आणि आपण घेतलेला शेअर जेव्हा आपण विक्री करत असतो तेव्हा कोणीना कोणी तो खरेदी करत असतो. खरेदी विक्रीच्या व्यवहारात एकाला फायदा तर एकाला नुकसान होत असते. काहीवेळेस संमिश्र परिस्थितीही असते.

आपण पृथ्वीवर वास्तव्य करत असताना आकाशस्थ ग्रहगोलांचा मानवी जीवनावर होणाऱ्या परिणामांचा अभ्यास करत असतो. ग्रहांच्या बदलांचा परिणाम जसा सजीवांवर होतो तसाच तो निर्जीव वस्तुंवर देखील होत असतो. आकाशातील नक्षत्र बदलांवर पाऊस पाण्याचे भाकीत आपल्याकडे केले जाते व बहुतांश वेळा ते तंतोतंत जुळतेही. प्रादेशिक घडामोडींवर भाकीत करणारी स्वतंत्र मेदनीय ज्योतिष शाखा आपल्याकडे आहे. त्यातुन केले जाणारे भाकीतही बव्हंशी तसेच्या तसे जुळुन येते. आपल्याकडे दाते पंचांगातुन दरवर्षी धनधान्य व्यापार या विषयी संपुर्ण वर्षभराचे भविष्य वर्तविले जाते. त्याच्या सत्यतेचा एक भाग नोटाबंदीच्या वेळी आपण बघितला हि होता. त्यावेळी थेट नोटा बंदी असा शब्दोल्लेख जरी नसला तरी त्यावेळी झालेल्या घडामोडींच्या जवळ जाणारे भविष्य वर्तविले होते.

शेअर मार्केटचेही तसेच आहे. बॉम्बे स्टॉक एक्सचेंज व नॅशनल स्टॉक एक्सचेंज यांच्या स्वतंत्र कुंडल्यांचा अभ्यास इथे महत्वाचा ठरतो. त्यांच्या नक्षत्र गोचरीचा तसेच ग्रह गोचरीचा अभ्यास महत्वाचा ठरतो. त्यानंतर दैनंदिन ग्रह गोचरीचा संबंध येतो. वेळोवेळी बदलणारी लग्न रास हि इथे अधिक प्रभावी ठरते. त्यानंतर लग्नेशाची स्थिती अभ्यासणे ठरते. गेल्या काही काळात मेष लग्नाला लग्नेश व्ययात तर मिथुन लग्नाला बुध अष्टमात या काळातील मार्केटची स्थिती बघा. या उलट वृषभ लग्नाला लग्नेश लाभात उच्चीचा. या काळातील मार्केटची स्थिती बघा. शनि वृश्चिकेतुन बाहेर पडल्यापासुन सिमेंट क्षेत्रातील शेअर्स, शुक्र मीनेत उच्चीचा झाल्यापासुन वाहन क्षेत्रातील शेअर्स, गेल्या वर्षात गुरु सिंहेत असताना माहिती तंत्रज्ञान क्षेत्रातील शेअर्स यांची स्थिती बघा.

या सर्वात चंद्राचे भ्रमण अत्यंत महत्वाचे ठरते. चंद्र नक्षत्र, चंद्र नवमांश याचा शेअर मार्केटवर खूप फरक जाणवतो. वृषभेचा चंद्र कृत्तिका नक्षत्रात असतानाचे मार्केट आणि तोच चंद्र रोहिणी नक्षत्रात असतानाचे मार्केट यात फरक आहे. चंद्राचा परिणाम जसा एखाद्या शेअर वर होतो तसाच तो शेअर खरेदी अथवा विक्री करणाऱ्या व्यक्तीच्या मनस्थितीवरही होत असतो. जसे कि सिह रास उत्तरा नक्षत्री चंद्र असता अविचाराने अथवा अफवांमुळे शेअर्सची खरेदी अथवा विक्री केली जाते. कर्क रास आश्लेषा नक्षत्री चंद्र असता व्यवहार करताना मनात अस्वस्थता जाणवते तर कधी कधी नुकसानीच्या भीतीने व्यवहार केले जातात.

मी शेअर मार्केटमध्ये मार्गदर्शन करताना आठवड्याचे भाकीत करतो. यात आठवड्यातील प्रत्येक दिवस कसा असेल इथपासुन ते कोणत्या क्षेत्रातील शेअर्स तेजीत असतील याचे मार्गदर्शन केले जाते. तसेच कोणत्या वेळात व्यवहार करावा तर कोणत्या वेळात करु नये याचे मार्गदर्शन केले जाते. शेअर मार्केटमध्ये सर्वांना सहज व्यवहार करता यावा तसेच अधिकाधिक फायदा व कमीत कमी नुकसान व्हावे एवढेच माझे यामागे उद्दिष्ट आहे.

- होरापंडीत मयुरेश देशपांडे
अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र
भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७
An ISO 9001:2015 Certified Consultancy
+९१ ८९७५ ३१२ ०५९ । +९१ २० २७२८ ०८३७ | info.bhagyank@gmail.com

ग्रहांची वक्री दृष्टी

एखादा ग्रह वक्री असेल तर त्याची दृष्टी सुद्धा तशीच तपासली पाहिजे.

उदाहरणा दाखल सोबत तीन कुंडल्या दिल्या आहेत. या एकाच दिवशीच्या आहेत. यात मंगळ, गुरु, शनि व बुध वक्री आहेत.

मंगळ ग्रहाला तीन पुर्ण दृष्टी आहेत. चतुर्थ, सप्तम व अष्टम. इथे मंगळ मार्गी आहे असे धरले तर त्याची दृष्टी सप्तमावर, दशमावर व लाभावर येते. मात्र इथे मंगळ वक्री असल्याने त्याच्या फलिताचा अभ्यास करताना मंगळाची दृष्टी लग्नावर, दशमावर व भाग्यावर धरायला हवी.

शनि ग्रहालाही तीन पुर्ण दृष्ट्या आहेत. तृतीय, सप्तम व दशम. शनि मार्गी म्हणलं तर त्याची दृष्टी षष्ठावर, दशमावर व लग्नावर यायला हवी. पण तो वक्री असल्याने फलिताचा अभ्यास करताना त्याची दृष्टी धनावर, दशमावर व सप्तमावर धरायला हवी.

हाच नियम गुरुलाही लागु पडतो. गुरुला पंचम, सप्तम व नवम अशा तीन पुर्ण दृष्टी आहेत. तीनही दृष्टींचे फलित एक सारखेच असते. त्यामुळे इथे गुरु वक्री झाला तरी त्याची दृष्टी तशीच राहते. जसे कि गुरु मार्गी असता त्याची पंचम दृष्टी पंचमावर सप्तम सप्तमावर तर नवम धाग्यावर येते. वक्री मार्गाचा विचार केला तरी पंचम भाग्यावर, सप्तम सप्तमावर तर नवम पंचमावर येते.

ग्रह वक्री असला तरी त्याच्या स्थानागत सप्तम दृष्टीमध्ये फरक पडत नाही. जसे कि इथे बुध वक्री असला किंवा मार्गी असला तरी त्याची दृष्टी तृतीयावरच राहील. तोच भाग आपण वरती मंगळ, शनि व गुरुच्या बाबतीतही पाहु शकतो.

वरील नियम जन्म कुंडलीतील ग्रहयोग तपासताना जसा लागु पडतो, तसाच गोचर ग्रहांचा अभ्यास करतानाही लागु पडतो.

वरील कुंडलीतील आणखी एका भागावर प्रकाश टाकावासा वाटतो म्हणजे या कुंडलीमध्ये राहु स्तंभी आहे. एवढेच काय पण या पुढील दोन दिवस तो मार्गीही झाला आहे. आपल्याकडे अनेक ज्योतिषी राहु-केतु कायम वक्री असल्याचे सांगतात. पण अनेक कुंडल्यांमध्ये ते मार्गी अथवा स्तंभी असलेले दिसतील.

या पद्धतीने आपल्या कुंडलीतील वक्री ग्रहांचे फलित तपासणे योग्य राहील.   

होरापंडीत मयुरेश देशपांडे
अंकशास्त्र । वास्तुशास्त्र । रमलशास्त्र । होराशास्त्र । हस्तसामुद्रिकशास्त्र
भाग्यांक ज्योतिष व वास्तुशास्त्र सल्ला केंद्र, जुनी सांगवी पुणे २७
An ISO 9001:2015 Certified Consultancy
+९१ ८९७५ ३१२ ०५९ । +९१ २० २७२८ ०८३७ | info.bhagyank@gmail.com